Unity-да ойындарды əзірлеуде шығармашылық ойлауды дамыту үшін оқытудың жобалық əдісін қолдану

Аңдатпа

Мақалада Unity ойын қозғалтқышында ойындарды əзірлеуде жобалық оқыту əдісін қолдану арқылы шығармашылық ойлау дағдыларын дамыту қарастырылған. Жобалық əдіс қазіргі уақытта кең қолданысқа ие, əрі ынта мен топтық бірлікке, тиімді коммуникацияға мен мəселелерді шешуге шақыратын əдіс болып табылады. Зерттеу мақсаты шығармашылық ойлауға əсерін анықтау болғандықтан, бірнеше зерттеу əдістері қолданылды. Ол квазиэксперименталды сипатқа ие болды. Педагогикалық экспериментке жалпы саны 78 студент қатысты. Оның 40 эксперименттік топта болса, 38 бақылау тобына кездейсоқ жіктелді. Жобалық əдісті Unity-де ойын құру жанрларымен байланыстыратын оқытудың əдістемелік жүйесі құрылып, соның негізінде экперимент жүргізілді. Шығармашылық ойлау қабілеті деңгейінің өзгеруін бағалау үшін Торренс əдісі қолданылды. Ол лезділік, қайталанбастық, тыңғылықты дайындық, икемділік сынды параметрлерден тұрды. Сонымен қатар, оқыту үрдісіне қанағаттану дəрежесін жəне оқытудың жобалық əдісін іске асырудың негізгі оң жəне теріс аспектілерін анықтауды үшін студенттерден сауалнама алынды. Зерттеу нəтижелері оң көрсеткіштерге ие болып, жобалық оқыту əдісі шығармашылық дағдыларды дамытуға ықпал етті.