Жоғары оқу орны оқытушыларының белсенді оқыту əдістері мен цифрлық құралдарды біріктіру құзыреттерін дамыту: алдын ала жəне кейінгі тестілеу негізіндегі эксперименттік зерттеу

Аңдатпа

Белсенді оқыту əдістерін цифрлық технологиялармен біріктіру – қазіргі заманғы жоғары білім беруде маңызды құзырет болып табылады жəне педагогикалық инновациялардың жаһандық үрдістеріне сай келеді. Алайда жоғары оқу орындарының көптеген оқытушылары мұндай тəсілдерді тиімді қолдануда қиындықтарға тап болады, себебі оларда тиісті дайындық пен қолдау жеткіліксіз. Бұл зерттеу Case-Based, Problem-Based жəне Team-Based Learning əдістерін цифрлық құралдармен біріктіру құзыреттерін дамыту мақсатында аралас форматтағы біліктілікті арттыру курсының тиімділігін бағалауға бағытталды. 21 қатысушы алдын ала жəне кейінгі тест ретінде бірдей тапсырманы орындады (цифрлық əдістемелік құрал əзірлеу), ол стандартталған бағалау критерийлері арқылы сарапталды. Претесттің орташа балы – 15.6 (SD = 10.2), посттест – 84.6 (SD = 9.9), бұл статистикалық тұрғыда маңызды айырмашылықты білдіреді (t = 35.70, p < .001). Зерттеу нəтижелері құрылымдалған, тəжірибеге бағытталған оқытудың оқытушылардың цифрлық-педагогикалық құзыреттерін дамытуда тиімді екенін көрсетті. Бұл деректер оқу бағдарламаларын жасаушыларға, ЖОО əкімшілігіне жəне білім беру саласындағы шешім қабылдаушыларға пайдалы болады.