Редакциялық саясат
Баспаушы: жеке тұлға – Абильдинова Гульмира Маратовна.
Басылым тіркелген.
Журналдың редакциялық саясаты.
«International Journal of Education and Digital Pedagogy» ғылыми журналы Қазақстанның және шетелдің жоғары оқу орындарының профессорлық-оқытушылық құрамына, ғалымдарға, докторанттарға, магистранттарға, студенттерге және барлық деңгейдегі педагогтарға арналған.
Журналдың мақсаты – педагогика және білім беру саласындағы ғылыми зерттеулерді дамытуға ықпал ету, отандық және халықаралық ғалымдар арасында жаңа идеялармен, инновациялық тәжірибелермен және ғылыми зерттеулер нәтижелерімен ашық түрде алмасуға арналған алаң ұсыну.
«International Journal of Education and Digital Pedagogy» ғылыми журналы Қазақстан Республикасының Мәдениет және ақпарат министрлігінің Ақпарат және архивтер комитетінде тіркелген. Тіркеудің бастапқы күні мен нөмірі: № KZ34VPY00120667, 29.05.2025 ж.
Журналдың негізгі тақырыптық бағыты – білім беру саласындағы теориялық және қолданбалы зерттеулерді жариялау, қазіргі цифрлық тәсілдерге, білім беру технологияларына және педагогикалық инновацияларға назар аудару.
Қарқынды бағыттар:
- Цифрлық педагогика және білім беру технологиялары
- Қазіргі заманғы оқыту мен тәрбие әдістері
- Педагогтардың кәсіби дамуы цифрлық трансформация жағдайында
- Инклюзивті білім беру және цифрлық дәуірде білім беру теңдігі
Журнал басылымы: онлайн.
Публикация тілдері: қазақ тілі, ағылшын тілі.
Периодтылығы: жылына 4 рет.
Мақала жариялау шарттары:
- Халықаралық стандарттарға сәйкестік.
Ғылыми жарияланымдарды әзірлеу кезінде авторлар халықаралық нормалар мен стандарттарды сақтауы қажет. - Материалдардың түпнұсқалығы мен ерекшелігі.
Қолжазба автордан, мақаланың түпнұсқалық екендігін, басқа басылымдарда жарияланбағанын және басқа басылымдарға ұсынылмағанын растайтын құжатпен тіркелуі тиіс. Аударма материалдары қабылданбайды. - Мәліметтердің дұрыстығы және әдіснамалық дәлдігі.
Зерттеу нәтижелері сенімді және негізделген болуы тиіс, мәліметтерді бұрмалау немесе жасауға жол берілмейді. Мәліметтерді жинау, талдау және интерпретациялау кезінде ғылыми және этикалық нормаларды сақтау талап етіледі. - Авторлықты анықтау. Авторлардың мақаланың мәтініндегі ретін олар өздері белгілейді, әрі бұл өзгертілмейді. Қолжазба қабылданғаннан кейін авторларды қосу немесе алып тастауға болмайды.
- Жарияланымдар санына шектеулер. Бір журнал нөмірінде автор бір ғана мақала жариялай алады, соавторлы мақалалар да қосылады. Бір автордың жұмысы (жеке немесе соавторлы) екі бірдей шығарылымда жарияланбайды.
- Соавторлар санына шектеулер. Бір жарияланымның соавторларының максималды саны – төрт адамнан аспауы тиіс.
- Түпнұсқалық деңгейі. Мақаладағы түпнұсқалық деңгейі редакциялық коллегияның шешімімен және антиплагиат тексеру нәтижелерімен 80%-дан кем болмауы тиіс.
- Этикалық талаптар. Егер зерттеу балаларды немесе осал топтарды қамтыса, этикалық комитеттің оң қорытындысы ұсынылуы тиіс.
Рецензия түрі: екі жақты соқыр рецензиялау.
Архивтеу және қолжетімділік
«International Journal of Education and Digital Pedagogy» ғылыми-педагогикалық журналы өз контентіне ашық қолжетімділікті журналдың ресми сайтында қамтамасыз етеді. Бұл журналға барлық әлеуетті оқырмандар мен авторлар үшін кеңірек ақпараттық қолжетімділікті қамтамасыз етеді.
Оқырмандар мен авторлар ағымдағы шығарылымның электрондық нұсқаларымен және бұрынғы кезеңдердегі архивтермен https://ijed.kz сайтында таныса алады.
Архивтеу
- «Ұлттық мемлекеттік ғылыми-техникалық сараптама орталығы» АҚ;
- ҚР МП Республикалық ғылыми-педагогикалық кітапханасының филиалы.
Этика және плагиатқа қатысты саясат:
Журналдың негізгі мақсаты – ғылыми адалдықтың жоғары деңгейін, жарияланымдық процестердің ашықтығын және жарияланымдық этиканың халықаралық стандарттарына сәйкестігін қамтамасыз ету, бұл стандарттар Публикациялық этика жөніндегі комитет (COPE) тарапынан ұсынылған. Журнал сондай-ақ білім беру практикасына инновациялық тәсілдерді енгізуге бағытталған ғылыми эксперименттер мен қолданбалы зерттеулерді дамыту мен насихаттауға ерекше көңіл бөледі.
